بـ إشتراكك معنا يصلك كل جديـــد

للإشتراك أدخل بريدك الإلكترونى هنا

الفرق بين البنزين 91 و 95‎

الفرق بين البنزين 91 و 95‎



اثناء ضغط المكبس للخليط بعض جزيئات البنزين تنفجر بشكل مبكر بسبب الضغط (قبل ما تنطلق الشرارة) وقبل ما يكون المكبس في وضع يسمح بالتحرك للاسفل يعني المكبس يضغط للأعلى والجزئيات اللي انفجرت بشكل مبكر تضغط للأسفل. وهذا يطلع صوت طقطقة مسموع حتى لسائق السيارة. وبكذا طبعًا نسبة البنزين اللي المفروض يحترق بعدين تقل لأن بعض جزيئاته انفجرت مسبقًا، وأيضًا الاحتراق المبكر هذا يقلل من عمر المكبس (البستم) وحتى غرفة الاحتراق (بالخصوص راس الشامبر) لأن الانفجارات مثل ما قلنا تعارض المكبس (البستم) في الضغط يعني هو يضغط فوق والانفجارات المبكرة تضغط للأسفل.

طبعًا البنزين يتكون بشكل أساسي من مادة الاوكتان والهيبتان، ولما درسوا الانفجارات المبكرة هذي لقوا سببها مادة الهيبتان لأن الأوكتان يتحمل الضغط. فقاموا يصنفونه على هالأساس مثلًا ياخذون مزيج بنزين يتكون من 91% اوكتان و9% هيبتان ويحسبون تحمله للضغط هذا المزيج يسمونه "بنزين 91"، واي مزيج اخر يتحمل نفس الضغط يسمونه "بنزين 91" يعني مش لازم يحتوي على اوكتان بنسبة 91%. يعني الرقم هذا ما يمثل نسبة الاوكتان إنما يمثل قدرة مزيج البنزين هذا على تحمل ضغط كما لو أن نسبة الاوكتان فيه 91%. وطبعًا هذا يؤدي إلى أنه كل ما أصبح الرقم أعلى أصبح البنزين يتحمل الضغط أكثر. يعني بنزين 95 يتحمل ضغط أكثر من بنزين 91.

طيب ليش انا اشدد على أن بنزين 91 مثلًا ما يحتوي بالضرورة على نسبة اوكتان بنسبة 91%؟! لأن فيه إضافات اخرى (غير الاوكتان) ممكن تزيد من تحمل البنزين للضغط أكثر من الاوكتان مثل الرصاص ومواد أخرى، يعني بنزين 91 إذا أضفنا عليه بعض مركبات الرصاص ممكن يتحمل ضغط نفس اللي يتحمله بنزين 95 وبالتالي يصير اسمه بنزين 95، واكثر من هذا بعض المركبات تزيد التحمل إلى درجات أعلى بكثير، مثلًا في سيارات السباق يستخدمون بنزين 120 وأكثر، (وهذا أكيد ما فيه اوكتان بنسبة 120% ) لكن أضافوا له مواد تخلي المئة لتر -مثلًا- كأن فيها 120 لتر اوكتان!

طيب هل هذا يعني ان استخدام بنزين 95 افضل لسياراتي من بنزين 91، لأنه يتحمل ضغط اكثر؟! منطقيًا راح تكون الاجابة اه، لكن عمليًا لا، على حسب نوع السيارة، إذا كانت السيارة تنصح ببنزين 91 استخدم 91، وإذا استخدمت بنزين 95 ما راح تتأثر السيارة بالسلب ويمكن تحس بنوع بسيط جدًا -جدًا- من التحسن لكن في الأخير انت قاعد تضيع فلوس اكثر من اللي تتحصل عليه من المكاسب، لأن مصنعين السيارات أصبحوا يصنعون المكاين بطريقة تخلي بنزين 91 ما يأثر بالسلب على ماكينة السيارة بتقليل الضغط وبتقنيات أخرى. لكن اللي يستخدم بنزين 91 وسيارته مصممة لبنزين 95 ممكن يحس بمشاكل وتتأثر سيارته لكن ممكن أيضًا ما تتأثر لأن فيه تقنيات في بعض السيارات تحس بالانفجارات المبكرة وتحاول تقلل منها، لكن هذا يدفع فلوس اكثر من لما يستخدم بنزين 95 يعني هذا يفكر نفسه يوفر وهو في الحقيقة يدفع اكثر
إرسال تعليق
Related Posts Plugin for WordPress, Blogger...

أقسام الموقع